დიდი იმედგაცრუება-მსოფლიო ჩემპიონი დოპინგზე ჩავარდა და ოლიმპიადას გამოტოვებს

საქართველოს ანტიდოპინგური სააგენტოს საქართველოს ეროვნული ანტიდოპინგური კომიტეტის 2023 წლის 5 დეკემბერის, No2023-05 გადაწყვეტილებით, საქართველოს ანტიდოპინგური წესების 10.6 მუხლის 10.6.1.2 პუნქტის შესაბამისად, მსოფლიოს მოქმედ ჩემპიონს ძიუდოში ლუკა მაისურაძეს შეეფარდა ერთწლიანი დისკვალიფიკაცია 2024 წლის 16 ოქტომბრამდე.

"კომისიაში შემოსული დოკუმენტაციის ანალიზით ირკვევა, რომ 2023 წლის 12 აპრილს, არასაშეჯიბრო ტესტირების დროს, GADA-ს დოპინგ კონტროლის ოფიცერმა(DCO) აიღო ლუკა მაისურაძისგან შარდის ნიმუში, რომელიც გაიყო ორად და მიეცა საცნობარო ნომრები A1190309 (A ნიმუში), B1190309 (B ნიმუში). ტესტირების ჩატარების პროცესზე, ლუკა მაისურაძეს შენიშვნა პროცესის მიმართ არ ჰქონია, რის შესახებაც მითითებულია დოპინგკონტროლის ფორმაში და დადასტურებულია ხელის მოწერით. იმავე დღეს, 2023 წლის 12 აპრილს ნიმუში გადატანილი იქნა მსოფლიო ანტიდოპინგურ სააგენტოს მიერ (WADA) - აკრედიტებული ლაბორატორიაში, დოპინგის ლაბორატორია, კიოლნი, გერმანია (ლაბორატორია).
ლაბორატორიამ, გაანალიზა A ნიმუში WADA-ს ლაბორატორიების საერთაშორისო
სტანდარტით დადგენილი პროცედურების შესაბამისად. ნიმუშის ანალიზმა დაადასტურა არასასურველი ანალიტიკური შედეგი: (AAF) – S1.2 სხვა ანაბოლური აგენტები/ანობოზარმი (ოსტარინი)."

ეს ყველაფერი იმას ნიშნავს, რომ ოლიმპიადის ერთ-ერთი ფავორიტი პარიზში ვეღარ გაემგზავრება.

"ერთი წლის წინ აღებულ დოპინგ ტესტში ვითომ მიპოვეს რაღაც ოსტარინი, რომელიც იყო რაღაც დანამატებთან ერთად. ადვოკატი ავიყვანე, ვიბრძოლე, მაგრამ ვერაფერს მივაღწიე. დიდ კაცთან პატარა კაცს როდის გასვლია მართალი — ამ სიტუაციაში ვარ ზუსტად"-განაცხადა "ლიდერსპორტთან" საუბრისას მაისურაძემ.